因為PK所以PT

話說點解我會無啦啦去寫Blog，分享自己患有渴睡症既經歷呢？其實係我同成日PK有關………

事緣我經常跌倒或者咬柴整親手腳腰，所以經常做物理治療。自從一月在日本跌親後，呢排成日去元朗一間骨科暨物理治療中心覆診。通常物理治療做緊電機時，我都會訓著，係深睡嗰隻，姑娘有時要拍我先醒………咁我就會講唔好意思，因為我有渴睡症，之後既對話都和其他人大同小異，例如「真係架？」、「點解既？」之類……

但呢度既物理治療師Novia同埋護士Toby就比其他PT & nurse特別搞笑XD。當我有次覆診再次講開有渴睡症，每次做物理治療都會訓時（係呢度例外，因為Novia會落好多支針，同埋要我練習復康動作所以無得訓），佢兩個同一個反應，以為我之前話自己有渴睡症是講笑………但我明白的，佢地兩個都係好人絕對無心，但就令我明白其實好多人都唔知咩係渴睡症，故此我才「的起心肝」，正式落實幾年前已經有既構想，就係將我的經歷寫出黎，令更多人認識呢個病。

BTW，今日就係我最後一次黎覆診了……喺而家呢份工無乜野同同事講既情況之下（但我份人就最鐘意講野），有時黎覆診同呢兩位傻大姐吹水，都可以緩和下自己對現時份工既不滿………

3.17 世界睡眠日

原來昨天3.17是世界睡眠日，祝大家日日有覺好訓，身體健健康康^^

睡王子的女僕

話說睡王子有個女僕，喺佢出街訓著時經常照顧和服待佢。睡王子經常沖涼沖好耐，其中一個原因就係訓著左，女僕亦會因此而不滿。

前幾晚，
女僕問睡王子：「你沖涼時係挨住牆黎訓？」

睡王子答：「唔係啊，我行緊路都會訓著，所以沖涼時訓著都唔使挨住牆。」

女僕表示無言………

訓住拍八達通

一路行一路訓就間唔中都會，但拎埋八達通想拍卡出閘(但出唔到)，都好耐無試過啦……

期待 睡眠檢查

剛剛醫院睡眠科打電話黎約我做睡眠檢查，對上一次做都已經幾年之前。原本3月有位，但我呢份工每個月只有1.8天病假，唯有等到4月啦^^

你有渴睡症？真係架？點解既？

唔知點解，通常「第一次」聽到我話我有渴睡症時，好多人都唔信（而其實並不知道什麼是渴睡症XD），覺得我講笑，甚至會話（用吳若希tone）：「你講真架？」、「真係架？點解既？」、「下？咁會點架？」、「我以為你講笑咋」、「唔怪得之我見你成日訓啦」、「我都成日好眼訓架喎，咁我算唔算係？」、「你點知道自己有呢個病？」、「我聽過呀，睡眠窒息症oY嘛」………（下刪一百個反應/問題XD）

如果你聽到朋友話佢有渴睡症的話，你會俾咩反應佢呢？

多講MISS的膊頭

【往事分享】今早講完認真Post, 而家就講番d輕鬆d既野～～

作為渴睡症患者，最令人困擾之一既當然係不由自主地恰眼訓。當中過程包羅萬有，其中更經常因此撞到個頭XD

話說以前中學時期我是搭巴士返學的。咁由於在總站上車，多數都會有位坐。 雖然只係15分鐘車程，但既然企喺度都可以瞓，坐就更加訓得著。我記得有一次放學（大約係讀緊中二），我坐樓上近窗口位，嗰嗰時間係會全車滿座的。開車後，我就開始係咁中眼瞓，個頭係咁不斷撞向右手邊條鐵通（當時剛有冷氣巴，多數仲係熱狗，熱狗既窗口中間有條打橫既鐵通），撞咗好多次，好痛但係控制唔到，要繼續瞓………

突然間，坐响我隔離嗰個拍醒我。原來佢係我間學校嘅Miss黎，佢叫我挨住佢瞓。咁我當然覺得唔好意思，但佢話唔緊要，而我亦都控制唔到要繼續訓………所以我就挨住左佢訓到落車。

除左我屋企人之外，特別是兒時挨住媽咪、現在挨住太太，這位老師是唯一一個唔介意借個膊頭俾我挨住訓既人。雖然佢無教過我，後來亦轉了校，但我仍很感謝她送給我的這一小段溫暖的回億。

嗜睡症並不好笑，女孩拍下發病全程 What Narcolepsy Really Looks Like

【認真POST】這段文字和影片，是送給所有同我一樣患有渴睡症既朋友、他們的家人/朋友、與及希望了解何謂渴睡症既香港人。希望您能花數分鐘睇一睇這段片，謝謝！

//嗜睡症並不好笑，女孩拍下發病全程…

相信酸酸們上課時，都曾經有無意識打瞌睡的經驗，甚至什麼時候睡著也不知道，起來可能都下課了；或是躺在床上玩手機，結果不小心躺平了～這種程度我們稱為瞌睡，但要是嚴重一點，那可就是「病」了。

這種又睡眠障礙的病，我們稱為「嗜睡症」（Hypersomnia），喪女今天要介紹的，是其中一種類型：發作性嗜睡病（Narcolepsy）。患者即使在白天，也會無意識地發生渴睡情況，更會無預警昏睡或猝倒，就算他晚上睡的再飽也一樣。

這種病目前還無法根治，患者非常痛苦。可是，不了解病狀的一般人，可能以為他們只是貪睡的人，或是等著看他們突然睡著並出糗，並不了解這種病的危險性。

身為發作性嗜睡病的患者之一，Sarah Elizabeth拍下了自己發作的樣子，希望能讓大眾更加了解這個疾病。

「我有發作性嗜睡病，這讓我非常難過，而且很難向眾人解釋這是什麼病，並且與之抗衡有多困難。大多數人認為這種病很有趣，直到看到實際情況後，他們會變得害怕這個病狀並感到恐慌。」

「會拍下這個影片都是意外，我正在邊看影片邊學舞，而會架設錄影機，是為了記錄自己學到哪裡，以免我中途睡著而半途而廢。別人看來或許很怪，不過我會想將影片分享出來，是為了讓更多人了解這個病，所以拜託不要灌水或黑我。」

「就像患有癲癇的人一樣，我無法控制自己入睡的意願，也不能控制發作，謝謝你的理解。」

你可以看到，Sarah在影片中經常會出現虛脫，並且陷入睡意襲來、掙扎、睡著、醒來、再度睡著、再度醒來，最後陷入混亂。

睡著的情況不定，有時是瞌睡的程度，有時卻會睡到幾十分鐘，而他雖然用意志力與之對抗，卻沒有效果。

很難想像Sarah到底鼓起了多大的勇氣，才將自己平日的生活公諸於眾，也很難想像他從小到大忍受了多少閒言閒語。

如果你身邊也有是睡症的朋友，請多給予他一些關心和體諒，在他猝倒之際，扶他一把。

http://www.ettoday.net/dalemon/post/5594

What Narcolepsy Really Looks Like. Spoiler Alert- It Sucks.
Sleepy Sarah Elizabeth 

觀看次數：5,366,56
發佈日期：2014年7月7日

I have narcolepsy with cataplexy, and it can be very frustrating to try to explain what it's like to people who have never seen narcolepsy in real life, and how much of a struggle it can be. Most people think that it's funny until they see what actually happens, or they are completely unprepared and get really scared and panic.

I filmed this by accident, and it was really weird to go back and watch later from an outside perspective. I am posting this video as a way to help educate people, so please no trolling. Just like people with epilepsy, I can't control having a sleep attack or cataplexy any more than they can control having a seizure. Thank you for your understanding.

And in case you were wondering what I kept looking at, I had the choreography written out next to the camera so that I wouldn't lose my place in the dance. Soran Bushi Japanese Fisherman's Dance Music from the Bleach Soundtrack- Nothing Can Be Explained by Mike Wyzgowski. I don't own it and claim no rights to the song.

For the next video in the series, click here:http://youtu.be/oXQvI4resm4

https://youtu.be/1PuvXpv0yDM

渴睡症唔係好眼訓咁簡單，係會突然訓著甚至倒下而不自知

既然呢一個page係講關於渴睡症，咁就等睡王子先簡單咁講下咩係渴睡症。

（聽醫生講😆）渴睡症是隱性遺傳的，患者的父母、兄弟姊妹都或有此隱性基因，但又唔一定會發病架喎。以睡王子為例，大約10歲時才開始出現病徽，聽講不少患者都差不多。至於點解，就要問問Master Joe，God knows.....

話到明係渴睡症（註1），患者當然會成日訓，而且唔係好眼訓咁簡單，係會突然訓著、整個人無力郁唔到（但清醒），甚至倒下而不自知。好在醫生話睡王子病情算輕微，所以睡王子只是有間中突然訓著（例如行行下街撞到人同燈柱、食緊飯跌個碗落地下、用緊電腦個頭撞落keyboard），有時會因為大笑而成身無力，整個人倒下則只試過一兩次，詳情遲D再同大家分享。

註1：在香港通常叫作渴睡症，在台灣叫嗜睡症，在大陸叫猝睡症，學名是「發作性睡眠綜合症」 或「發作性嗜睡病」，英文是Narcolepsy。

睡王子的故事

我發覺，原來很多香港人都不知道『渴睡症』是什麼。 我希望，以我自身的經驗去和香港人分享，令大家對這病症了解多一點。